:) السلام عليكم
طيب هحكيلكوا حكاية كدة حصلت لي و أثرت فيا اوي اوي و يمكن ناس كتير عرفاها بس مش بالتفاصيل دي
أنا بلعب كرة سرعة من 9 سنين و دي رياضتي المفصلة .... ففي شهر 3 في 2012 جاتلي إصابة في كتفي اليمين و مباقتش بقدر أحرك كتفي لأن أربطة الكتف أتمزقت و للأسف كان فاضللي إسبوعين تلاتة علي بطولة الجمهورية الهي أهم بطولة في السنة
فبدأت أروح لدكاترة عشان أقدر ألعب البطولة و خصوصا أن الكابتن المربيني تقريبا و مكبرني توفي قبل البطولة بشهر تقريبا و كان نفسه اني أطلع الأولي في البطولة دي ف كده هدفي مكنش اني بس ألعب البطولة لأ و كمان أطلع الأولي
المهم رحت لكذه دكتور عشان أقدر بس ألعب و أخذت حقن و أدوية و جلسات علاج طبيعي و كهربا ملهاش عدد.... لحد ما دراعي اتحسن شوية الحمدلله بعدها جه وقت البطولة و لعبت بس للأسف مكنش دراعي لسه كمل شفاه فأول ما لعبت وجعني أوي تاني بس كان خلاص حلمي قرب يتحقق و حلم مدربي أقرب يتحقق و اني أطلع الأولي فعلا
كنت في لعبي بعيط من الوجع و اني بجد مش قادرة لدرجة اني كنت بسمع أمي و هي في المدرجات و هي مع كل أه انا بقولها هي بتشجعني أكمل و في نفس الوقت هتموت من الخوف عليا و نفسها أسيب الملعب بالفيه .. صممت اني أكمل لحد ما كسبت المركز الأول لأ و مش مرة واحدة ده مرتين :)) الحمد لله ربنا مضيعش حلمي و وقف جنبي و فرحتي كانت لا توصف بجد :))
المهم بعد البطولة قررت اني أتعالج صح بقى و رحت لمليون دكتور الكان بيقولي مش هتلعبي تاني و القال لي ذراعك هيفضل كده طول عمره و القال لي بطلي رياضة بقي أحسنلك.... و انا كنت كل مسمع كده بيجيلي إحباط رهيب و كنت ساعات كتير للأسف برفض حالي و مقولش الحمد لله و كنت كل ملعب أتوجع أكتر و كل ما اتحسن أتوجع تاني و فوت بطولات كتير و محضرتهاش و كانت أكتر حاجة بتوجعني اني أتفرج علي باقي الناس و هي بتلعب .... و انا لأ
أحساس اني عاجزة ألعب ده كان بيوجعني أكتر من أن دراعي وجعني لان حبي لرياضتي دي لا يوصف
و في يوم كده جه ولد معايا في كرة السرعة عمري ما كلمته قبل كده و مجرد جيه اداني أسم دكتور كويس هو عرفه سبحان الله ربنا معرفش بعتهولي منين :)... و بعتهولي بس عشان يديني نمرة تليفون؟ الله علي حكمتك يا رب :))
رحت للدكتور ده أداني أمل و قالي دي سهلة ماتخفيش هتلعبي تاني و أحسن من الأول و فعلاً بدأت معاه العلاج بس كان صعب شوية و كنت بأخذ حقن في كتفي نفسه بتخليني مش قادره أحرك كتفي كله وصل بي الحال اني بطلت أشيل اي شنطة أو أرفع أي حاجة من الوجع ..... قعدنا فترة في العلاج كبيرة لحد ما الدكتور قال لي بعد ما خلصت علاج اني الناقصني شوية تمارين في ال gym لأن تماريني في النادي بس مش هتكون كفاية و هبقي كويسة إن شاء الله :))
بس دي لازم هعملها انا لوحدي بقي فوافقت و بدأت أروح ال gym في الجامعة بتاعتي لأن مع الدراسة مش هلحق أروح أي حتة تانية كنت بروح لوحدي أجري و أعمل تماريني و كنت ببقي مكسوفة و متضيقة أوي اني بروح لوحدي و في وسط الولاد عشان للأسف صالة السيدات مش مجهزة بأجهزة أنا محتجاها
جتلي أوقات كتير كنت هبطل أروح بس كنت برجع أشجع نفسي اني أكمل و ربنا سبحان الله كان مديني قوة و عزيمة أنا معرفش جت منين و الله :) و كل القصة البحكيها دي علي مدار سنتين
كنت بدأت ألعب و الحمد لله ذراعي ميوجعنيش زي الأول... بدأت أرقامي تزيد و عزيمتي تزيد لحد ما جه وقت بطولة الجمهورية شهر3.2014 نزلت و لعبت و حققت أعلي رقم جبته في حياتي يوميها أنا خرجت من الملعب بعيط بس مش من الألم المرة دي...... لأ من السعادة الحمد لله :")
و ما زلت في صراع مع كتفي و بعمله تماريين و مش هسيبه إلا لما أخف خالص إن شاء الله :))
القصة دي من أكتر القصص الأثرت في حياتي و غيرت طرق تفكيري بعد ما كنت فاقدة الأمل بقي عندي ثقة بالله و هي دي الخالتني يبقي عندي ثقة في نفسي .اني أقدر
عارفين كلنا نقدر و كلنا ممكن يكون عندنا إرادة تكسر الدنييا بس محتاجة ثقة في ربنا الأول ثم هنيجي ثقتنا بنفسنا ...... ربنا بيحط كل واحد في إبتلاء بس أوعوا تفتكروا انه بيسبه كده!! لأ ده بيكون أقربلك من أقرب قريب و حبيب
عارفين خلوا ربنا هو حبيبكم مش البيحب حد بيثق فيه ؟؟ انتم بقي ثقوا فيه انا مكنتش هوصل لأي حاجة إلا بالثقة دي ..... و عارفين كمان ربنا عمره عمره ما بيعملك حاجة وحشة لازم تكون مقتنع انه دايما خير و ان عمر ما هيضرك يمكن مش هتفهم كده دلوقتي بس هتفهم بعدين زي ما انا فهمت الحمد لله بعد فترة :)
و الله لو فكرتوا كده هترتاحوا أوي أوي
دلوقتي لما بتوجع بقيت بقول الحمد لله... لما بخسر بقول خير بعد ما كنت بعيط.... ما يمكن ربنا بيبعدني عن حاجة شر هتحصلي.... مش يمكن لما أكسب دراعي يوجعني تاني و أن ربنا شايلي حاجة أحسن في حاجة تانية..... أو يمكن ربنا بيعوضني ب أن عندي أهل و صحة و صحاب الحمدلله..... ولا أكيد عيعملي حاجة أحلي...
مش كل ده خير و حب ربنا للعبد؟
ده يا جماعة إذا أحب الله عبدا ابتلاه :) طب بنتضايق ليه بقي لما ربنا يبتلينا؟
فعلا كل حاجة ربنا بيجبها و الله خير
في صاحبة عزيزة أوي عليا في مرة قالت لي يا روان
Trust HIS plans
"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
و من ساعة ما فهمت معني الجمل دي أكتشفت انها فعلا صح، صدقوها و أعملوا بها هتعينكم و تخفف عنكم في حاجات كتير أوي إن شاء الله :))
طولت عليكم بس في الأخر حبه أقول لكم
انت تريد و أنا أريد و الله يفعل ما يريد :")
روان ماهر -
طيب هحكيلكوا حكاية كدة حصلت لي و أثرت فيا اوي اوي و يمكن ناس كتير عرفاها بس مش بالتفاصيل دي
أنا بلعب كرة سرعة من 9 سنين و دي رياضتي المفصلة .... ففي شهر 3 في 2012 جاتلي إصابة في كتفي اليمين و مباقتش بقدر أحرك كتفي لأن أربطة الكتف أتمزقت و للأسف كان فاضللي إسبوعين تلاتة علي بطولة الجمهورية الهي أهم بطولة في السنة
فبدأت أروح لدكاترة عشان أقدر ألعب البطولة و خصوصا أن الكابتن المربيني تقريبا و مكبرني توفي قبل البطولة بشهر تقريبا و كان نفسه اني أطلع الأولي في البطولة دي ف كده هدفي مكنش اني بس ألعب البطولة لأ و كمان أطلع الأولي
المهم رحت لكذه دكتور عشان أقدر بس ألعب و أخذت حقن و أدوية و جلسات علاج طبيعي و كهربا ملهاش عدد.... لحد ما دراعي اتحسن شوية الحمدلله بعدها جه وقت البطولة و لعبت بس للأسف مكنش دراعي لسه كمل شفاه فأول ما لعبت وجعني أوي تاني بس كان خلاص حلمي قرب يتحقق و حلم مدربي أقرب يتحقق و اني أطلع الأولي فعلا
كنت في لعبي بعيط من الوجع و اني بجد مش قادرة لدرجة اني كنت بسمع أمي و هي في المدرجات و هي مع كل أه انا بقولها هي بتشجعني أكمل و في نفس الوقت هتموت من الخوف عليا و نفسها أسيب الملعب بالفيه .. صممت اني أكمل لحد ما كسبت المركز الأول لأ و مش مرة واحدة ده مرتين :)) الحمد لله ربنا مضيعش حلمي و وقف جنبي و فرحتي كانت لا توصف بجد :))
المهم بعد البطولة قررت اني أتعالج صح بقى و رحت لمليون دكتور الكان بيقولي مش هتلعبي تاني و القال لي ذراعك هيفضل كده طول عمره و القال لي بطلي رياضة بقي أحسنلك.... و انا كنت كل مسمع كده بيجيلي إحباط رهيب و كنت ساعات كتير للأسف برفض حالي و مقولش الحمد لله و كنت كل ملعب أتوجع أكتر و كل ما اتحسن أتوجع تاني و فوت بطولات كتير و محضرتهاش و كانت أكتر حاجة بتوجعني اني أتفرج علي باقي الناس و هي بتلعب .... و انا لأ
أحساس اني عاجزة ألعب ده كان بيوجعني أكتر من أن دراعي وجعني لان حبي لرياضتي دي لا يوصف
و في يوم كده جه ولد معايا في كرة السرعة عمري ما كلمته قبل كده و مجرد جيه اداني أسم دكتور كويس هو عرفه سبحان الله ربنا معرفش بعتهولي منين :)... و بعتهولي بس عشان يديني نمرة تليفون؟ الله علي حكمتك يا رب :))
رحت للدكتور ده أداني أمل و قالي دي سهلة ماتخفيش هتلعبي تاني و أحسن من الأول و فعلاً بدأت معاه العلاج بس كان صعب شوية و كنت بأخذ حقن في كتفي نفسه بتخليني مش قادره أحرك كتفي كله وصل بي الحال اني بطلت أشيل اي شنطة أو أرفع أي حاجة من الوجع ..... قعدنا فترة في العلاج كبيرة لحد ما الدكتور قال لي بعد ما خلصت علاج اني الناقصني شوية تمارين في ال gym لأن تماريني في النادي بس مش هتكون كفاية و هبقي كويسة إن شاء الله :))
بس دي لازم هعملها انا لوحدي بقي فوافقت و بدأت أروح ال gym في الجامعة بتاعتي لأن مع الدراسة مش هلحق أروح أي حتة تانية كنت بروح لوحدي أجري و أعمل تماريني و كنت ببقي مكسوفة و متضيقة أوي اني بروح لوحدي و في وسط الولاد عشان للأسف صالة السيدات مش مجهزة بأجهزة أنا محتجاها
جتلي أوقات كتير كنت هبطل أروح بس كنت برجع أشجع نفسي اني أكمل و ربنا سبحان الله كان مديني قوة و عزيمة أنا معرفش جت منين و الله :) و كل القصة البحكيها دي علي مدار سنتين
كنت بدأت ألعب و الحمد لله ذراعي ميوجعنيش زي الأول... بدأت أرقامي تزيد و عزيمتي تزيد لحد ما جه وقت بطولة الجمهورية شهر3.2014 نزلت و لعبت و حققت أعلي رقم جبته في حياتي يوميها أنا خرجت من الملعب بعيط بس مش من الألم المرة دي...... لأ من السعادة الحمد لله :")
و ما زلت في صراع مع كتفي و بعمله تماريين و مش هسيبه إلا لما أخف خالص إن شاء الله :))
القصة دي من أكتر القصص الأثرت في حياتي و غيرت طرق تفكيري بعد ما كنت فاقدة الأمل بقي عندي ثقة بالله و هي دي الخالتني يبقي عندي ثقة في نفسي .اني أقدر
عارفين كلنا نقدر و كلنا ممكن يكون عندنا إرادة تكسر الدنييا بس محتاجة ثقة في ربنا الأول ثم هنيجي ثقتنا بنفسنا ...... ربنا بيحط كل واحد في إبتلاء بس أوعوا تفتكروا انه بيسبه كده!! لأ ده بيكون أقربلك من أقرب قريب و حبيب
عارفين خلوا ربنا هو حبيبكم مش البيحب حد بيثق فيه ؟؟ انتم بقي ثقوا فيه انا مكنتش هوصل لأي حاجة إلا بالثقة دي ..... و عارفين كمان ربنا عمره عمره ما بيعملك حاجة وحشة لازم تكون مقتنع انه دايما خير و ان عمر ما هيضرك يمكن مش هتفهم كده دلوقتي بس هتفهم بعدين زي ما انا فهمت الحمد لله بعد فترة :)
و الله لو فكرتوا كده هترتاحوا أوي أوي
دلوقتي لما بتوجع بقيت بقول الحمد لله... لما بخسر بقول خير بعد ما كنت بعيط.... ما يمكن ربنا بيبعدني عن حاجة شر هتحصلي.... مش يمكن لما أكسب دراعي يوجعني تاني و أن ربنا شايلي حاجة أحسن في حاجة تانية..... أو يمكن ربنا بيعوضني ب أن عندي أهل و صحة و صحاب الحمدلله..... ولا أكيد عيعملي حاجة أحلي...
مش كل ده خير و حب ربنا للعبد؟
ده يا جماعة إذا أحب الله عبدا ابتلاه :) طب بنتضايق ليه بقي لما ربنا يبتلينا؟
فعلا كل حاجة ربنا بيجبها و الله خير
في صاحبة عزيزة أوي عليا في مرة قالت لي يا روان
Trust HIS plans
"وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}
و من ساعة ما فهمت معني الجمل دي أكتشفت انها فعلا صح، صدقوها و أعملوا بها هتعينكم و تخفف عنكم في حاجات كتير أوي إن شاء الله :))
طولت عليكم بس في الأخر حبه أقول لكم
انت تريد و أنا أريد و الله يفعل ما يريد :")
روان ماهر -